කොවිඩ් 19 වෛරසය ආසාදනය වී IDH රෝහලේ ප්‍රතිකාර ලබමින් සිටි මාලඹේ – ගෝනවත්ත ප්‍රදේශයේ එකම නිවසක පදිංචිව සිටි වයෝවෘද්ධ අඹුසැමි යුවළක් ඇතුළු තිදෙනෙක් ඊයේ (03) මියගොස් තිබෙනවා.
තලංගම පොලිසිය පවසන්නේ මෙලෙස මියගොස් ඇත්තේ වයස අවුරුදු 86 ,94 අඹුසැමි යුවළ සහ වයස අවුරුදු 82 කාන්තාවක් බවයි.
මියගිය පිරිමි පුද්ගලයා කඩුවෙල හිටපු නාගරික මන්ත්‍රීවරයෙක් වන අතර ඔහුගේ බිරිඳ විශ්‍රාමික හෙදියක් වනවා.
මියගිය අනෙක් වයෝවෘද්ධ කාන්තාව මියගිය අඹු-සැමි යුවළගේ දියණියගේ සැමියාගේ මව බවයි වාර්තා වන්නේ.
ඉකුත් 22 දින මොවුන් තිදෙනා IDH රෝහල වෙත ඇතුළත් කර තිබූ අතර පසුගිය 03 වනදා ඔවුන් තිදෙනාම මියගොස් තිබුණා.
පොලීසිය පවසන්නේ මියගිය අඹුසැමි යුවළගේ දියණිය හා ඇයගේ සැමියා මෙන්ම පුතණුවන් ද කොවිඩ් 19 වෛරසය ආසාදිතව මුල්ලේරියාව රෝහලේ ප්‍රතිකාර ලබන බවයි.
මියගිය තිදෙනාගේ අවසන් කටයුතු මුල්ලේරියාව ආදාහනාගාරයේ දී සිදුකර තිබෙනවා.
