මේ වන තෙක් පවතින අයහපත් කාලගුණය හේතුවෙන් රඹුක්කන – දොඹේමඩ ප්‍රදේශයේදී අද අලුයම 4.30 ට පමණ සිදු වූ නායයාමකින් නිසා එකම පවුලේ මව, දියණිය සහ ඥාති දියණියක් ජීවිතක්ෂයට පත්ව තිබෙනවා.
නායයෑමත් සමඟ පස් කන්දක් කඩාවැටීම හේතුවෙන් ඒ අසල තිබූ නිවසක සිටි මව, පියා, දියණිය හා ඥාති දියණිය අනතුරට ලක්වුණා.
එම ස්ථානයට පැමිණි 611 බල සේනා මූලස්ථානය ට අයත් 8 වන සිංහ රෙජිමේන්තුවේ සෙවීම් සහ මුදවා ගැනීමේ භටපිරිස් විසින් අනතුරට ලක්ව සිටි නිවැසියන් සොයාගෙන ඔවුන්ව කඩිනමින් රෝහල්ගත කිරීමට කටයුතු කර තිබුණා.
කෙසේ වෙතත් රඹුක්කන රෝහලට ඇතුළත් කල බරපතල තත්ත්වයේ සිටි 36 හැවිරිදි මවත් අට හැවිරිදි දියණිය සහ ඔවුන්ගේ ඥාති දියණිය ජීවිතක්ෂයට පත්ව ඇති බව රෝහල් බලධාරීන් සදහන් කරනවා.
අනතුරට ලක්වූ 46 හැවිරිදි පියා තවදුරටත් රඹුක්කන රෝහලේ වැඩිදුර ප්‍රතිකාර ලබමින් සිටිනවා.
