ශ්‍රී ලංකා විනිමය හා සුරැකුම් කොමිසමේ සභාපතිවරයා වශයෙන් කටයුතු කරමින් සිටියදී තාරුණ්‍යට හෙටක් සංවිධානය සඳහා එම කොමිසමේ අරමුදල්වලින් රුපියල් ලක්ෂ 50 ලබාදීමෙන් රජයේ මුදල් සාපරාධී පරිහරණය කළේ යැයි චෝදනා එල්ල වී සිටි පාර්ලිමේන්තු මන්ත්‍රී නාලක ගොඩහේවා මහතා ඇතුළු විත්තිකරුවන් තුන් දෙනෙකු නිදොස් කොට නිදහස් කරන ලෙස කොළඹ මහාධිකරණය නියම කර තිබෙනවා.
කොළඹ මහාධිකරණ විනිසුරු අමල් රණරාජා මහතා මෙම තීන්දුව ලබාදී ඇති බවයි වාර්තා වන්නේ.
මෙම තීන්දුව දීර්ඝ නඩු විභාගයකින් අනතුරුව මහාධිකරණ විනිසුරුවරයා ප්‍රකාශයට පත් කළා.
පැමිණිල්ල විසින් විත්තිකරුවන්ට එරෙහිව චෝදනා ඔප්පු කිරීම සඳහා ඉදිරිපත් කළ සාක්ෂි ප්‍රමාණවත් නොවන බවයි විනිසුරුවරයා වැඩිදුරටත් කියා සිටියේ.
මේ අනුව විත්තිකරුවන් නිදොස් කොට නිදහස් කරන බවද එම නියෝගයේ සඳහන් වුණා.
නිදහස් කරන ලද සෙසු විත්තිකරුවන් වන්නේ විනිමය හා සුරැකම්පත් කොමිසමේ හිටපු නියෝජ්‍ය අධ්‍යක්ෂ ජනරාල් ධම්මික පෙරේරා සහ තාරුණ්‍යට හෙටක් සංවිධානයේ රොනී ඊබ්‍රහිම් යන අය ද ඇතුළත්ව සිටිනවා.
පසුගිය යහපාලන රජය සමයේ නීතිපතිවරයා විසින් නාලක ගොඩහේවා ඇතුළු විත්තිකරුවන් තුන්දෙනාට එරෙහිව මෙම නඩුව ගොනුකර තිබුණා.
