සුලභව භාවිතා කරන ඖෂධ 2ක් වන තයිරොක්සින් සහ ට්‍රැමඩොල් ප්‍රථම වතාවට ශ්‍රී ලංකාවේ නිපදවා එළිදැක්වීම ඊයේ (06) දිනයේදී සිදුවිය.
ඒ, රත්මලාන රාජ්‍ය ඖෂධ නිෂ්පාදන සංස්ථාවේදී මුදල් අමාත්‍ය බැසිල් රාජපක්ෂ මැතිතුමාගේ ප්‍රධානත්වයෙන්.
ඖෂධ නිෂ්පාදන, සැපයුම් සහ නියාමන රාජ්‍ය අමාත්‍යංශයේ කටයුතු විශේෂ ඇගයීමට ලක් කල බැසිල් රාජපක්ෂ මහතා ඖෂධ නිෂ්පාදන කටයුතු නිරීක්ෂණය කිරීමට ද එක් විය.
එමෙන්ම මෙහිදී රාජ්‍ය අමාත්‍ය චන්න ජයසුමන මහතා විසින් සංකේතාත්මකව මුදල් අමාත්‍යවරයාට ඖෂධ පිළිගන්වන ලදි.
ඖෂධ නිෂ්පාදන සංස්ථාවේ සභාපති වෛද්‍ය උත්පල ඉන්ද්‍රවංශ මහතා කටයුතු සංවිධානය කල අතර රාජ්‍ය අමාත්‍ය ආචාර්ය නාලක ගොඩහේවා ඇතුළු පිරිසක් මෙම අවස්ථාවට එක්ව සිටියහ.
