ඉන්දීයාවේ 75 වන නිදහස් දිනය යෙදී තිබුනු ඉකුත් 15 වනදා කාශ්මීර නිම්නයේදී කැමරා කාචයට හසුවූ අපූරු සිදුවීමක් ඉන්දීය මාධ්ය වාර්තා කර තිබේ.
ඒ බෙදුම්වාදී සටන්කාමීන් ද ඉන්දීයාවේ ත්රෛවර්ණ ජාතික ධජය යටතේ පෙළ ගැසී සිටීමයි.
ඉකුත් 15 වනදා කාශ්මීරයේ ලශ්කාර් ඊ ටායිබා සහ හිස්බුල් මුජහිඩීන් නම් ක්රියාකාරී ත්රස්ත කණ්ඩායම් වල අණදෙන නිලධාරීන්ගේ හා ඔවුන්ගේ පවුල්වල සාමාජිකයින් වෙසෙන නිවාස වල ඉන්දීය ජාතික ධජය ඔසවා තැබුනු බව ඉන්දීය මාධ්ය වාර්තා කරයි.
එලෙස ත්රස්ත සාමාජිකයින්ගේ නිවෙස්වල ඉන්දීය ධජය ලෙලදෙන අයුරු දැක්වෙන ඡායාරූප ද ඉන්දීය මාධ්ය වාර්තා කර තිබේ.
කාශ්මීර නිම්නයේ ත්රස්ත බිය පවතින ප්රදේශවල ඉන්දීය කොඩිය එසවීමට කිසිවෙකු ඉදිරිපත් නොවන බව ද ඉන්දීය මාධ්ය පවසයි.
එහෙත් කාශ්මීරයේ සිටින සෑම බෙදුම්වාදී සටන්කාමීන්ට අයත් නිවාසවල ඉකුත් 15 වනදා ඉන්දීය ධජය ඔසවා තිබේ.
මෙම සිදුවීමෙහි විශේෂත්වය වන්නේ ඉන්දීය හමුදාවේ ත්රස්ත විරෝධී මෙහෙයුම් වලදී මියගිය බෙදුම්වාදී ත්රස්ත නායකයින්ගේ සහ ත්රස්ත සාමාජිකයින්ගේ නිවෙස් වල ද ඉන්දියාවේ නිදහස් දිනය දා ජාතික කොඩිය ඔසවා තැබීමයි.
කාශ්මීරයේ ක්රියාකාරී බෙදුම්වාදී ත්රස්ත කණ්ඩායමක් වන හිස්බුල් මුජහිඩීන් සංවිධානයේ ත්රස්ත සාමාජිකයින්ගේ නිවෙස්වල ද ඉන්දීය නිදහස් දිනය දා ත්රෛවර්ණ ජාතික ධජය ඔසවා තිබීම විශේෂත්වයක්.