ඉදිරියේදී දේශීය ටයරයක මිල සැලකිය යුතු මට්ටමකින් අඩු කිරීමට තීරණය කිරීම සඳහා දේශීය ටයර් නිෂ්පාදන සංගමය හා වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහතා අතර සාකච්ඡාවක් ඊයේ (31) වෙළෙඳ අමාත්යාංශයේදී පවත්වා තිබෙනවා.
දේශීයව නිෂ්පාදනය කරන්නා වූ ටයර් රට තුල තිබියදී රටේ ධනය ඩොලර් මිලයන ගණනක් වැය කොට ටයර් ආනයනය සිදු කිරීම තුළින් රට තුල ඇති ඩොලර් ප්රමාණයටද බලපෑමක් වී ඇති බවත්, එම ආනයනයන හේතුවෙන් ටයර් අවශ්ය ප්රමාණයටත් වඩා රට තුළ පවතින බවත් දේශීය ටයර් නිෂ්පාදකයින්ගේ සංගමය එම සාකච්ඡාවේදී අමාත්යවරයාට පෙන්වාදී තිබෙනවා.
එමෙන්ම මේ හේතුවෙන් ඉදිරියේදී ආනයන කරන ටයර් සඳහා යම් සීමාවන් පැනවීමට කටයුතු කරන ලෙසත් ඔවුන් අමාත්යවරයාගෙන් ඉල්ලා සිටියා.
දේශීය ටයර් නිෂ්පාදකයා නගා සිටුවිමටත් පාරිභෝගිකයින් වෙත සහනදායි මිලකට නියමිත ප්රමිතියෙන් යුතු දේශීය ටයර් ලබාදීම අරමුණු කොට දේශීය ටයර් නිෂ්පාදකයින්ගේ සංගමය අමාත්යවරයා හා මෙම සාකච්ඡාව සංවිධානය කර තිබුණා.
