විෂ්ණු දෙවිඳුන් නරගාසුරන් නමැති අසුරයා පරාජය කිරීම සිහිපත් කරමින් හින්දු බැතිමතුන් විසින් මහත් භක්තියෙන් සමරන හින්දු බැතිමතුන්ගේ දීපාවලී උත්සවය අදට යෙදී තිබෙනවා.
ලොව සියලු දෙනාට ද තමන් ආලෝකය ලබා ගත් අයුරින් ආලෝකය දැකීමට ඉඩ සළසන්නැයි, පරාජයට පත් නරගාසුරන් අසුරයා විෂ්ණු දෙවිඳුන්ගෙන් ඉල්ලීමක් කර ඇති බවයි වේද සාහිත්‍යයේ සඳහන් වන්නේ.
එබැවින් පහන් දල්වා ආගමික වතාවත්වල නිරත වෙමින් හින්දු බැතිමතුන් මෙම දිනය සමරනු ලබනවා.
මියගිය ඥාතීන් සිහිපත් කරමින් කෝවිල්වලට ගොස් ගිතෙල් පහන් දල්වන හින්දු බැතිමත්හු රස කැවිලි අනුභව කිරීමද සහ පහන් මාලාවක් දල්වා අධර්මය පරදවා ධර්මය ජය ගැනීම සංඛේතවත් කිරීමද ඔවුන් සිදුකරනු ලබනවා.
මේ අතර, දීපවාලි මංගල්‍යය සමග විශ්වයට ප්‍රවේශ වන පංචායතන ශක්තියෙන් ලෝකවාසී සියලු දෙනාට සතුට, සමෘද්ධිය, ධනය සහ දිව්‍යමය ශක්තිය ලැබේවා යැයි ජනාධිපති ගෝඨාභය රාජපක්ෂ මහතා දීපවාලි දිනය වෙනුවනේ සුබ පැතුම් පණිවිඩයක් නිකුත් කරමින් ප්‍රාර්ථනා කර සිටිනවා.
