ජම්මු කාශ්මීර ප්රාන්තයේ සිවිල් වැසියන් ඉලක්ක කරගෙන සිදුකරන ප්රහාර මැඩපැවැත්වීම සදහා පොලිසිය සහ ආරක්ෂක අංශ එක්ව විශේෂ මෙහෙයුමක් දියත් කර තිබේ.
විදෙස් මාධ්ය වාර්තා කළේ පසුගිය මාසය තුළ ත්රස්තවාදීන් එල්ල කළ ප්රහාර හේතුවෙන් සිවිල් වැසියන් 11 දෙනෙකු පමණ මියගොස් ඇති බවයි.
එම ඝාතනවලට සම්බන්ධ පුද්ගලයන් අත්අඩංගුවට ගැනීම සදහා දියත් කළ මෙහයුම්වලදී ත්රස්තවාදීන් 13 දෙනෙකු මියගොස් ඇති අතර පොලිස් නිලධාරීන් දෙදෙනෙකු ද මියගොස් ඇත.
ජම්මු කාශ්මීර පොලිස් ප්රධානී විජේ කුමාර් සදහන් කළේ මෙහෙයුම්වලදී ඝාතනයට ලක්වූ ත්රස්තවාදීන් අතර ලෂ්කාර් ඊ තයිබා කණ්ඩායමේ අණදෙන නිලධාරියෙකු වන උමාර් මුෂ්ටාක් නැමැත්තා ද වන බවයි.