ඉන්දීය ආරක්ෂක හමුදාව සහ ජම්මු කාශ්මීර පොලිසිය කාශ්මීර බෙදුම්වාදී සංවිධාන සමග සම්බන්ධ වී සිටින සටන්කාමීන්ගේ දෙමාපියන් හමුවීමේ වැඩසටහනක් ආරම්භ කර තිබේ.
ඩෙකෑන් හැරල්ඩ් පුවත් පුවත් පත සදහන් කළේ, මෙම වැඩසටහන යටතේ ආරක්ෂක අංශ සාමාජිකයන් සටන්කාමීන්ව බෙදුම්වාදී සංවිධානවලින් ඉවත් කරගන්නා ලෙස දෙමාපියන්ගෙන් ඉල්ලා සිට ඇති බවයි.
ඒ සදහා උපරිම මැදිහත්වීමක් කරන ලෙසත් එම දරුවන් කිසිදු ගැටලුවකින් තොරව සමාජගත කිරීමටත් ඔවුන්ගේ අනාගතය භාර ගැනීමටත් සූදානම් බව එහිදී දැනුම්දෙන බවත් පැවසේ.
මේ යටතේ දකුණු කාශ්මීරයේ සූෆීයාන් දිස්ත්රික්කයේ පැවති වැඩසටහනට සාර්ථක ප්රතිචාර හිමිවූ බවද එම පුවත් වාර්තාවේ සදහන් වේ.
මින් පෙරද අවස්ථා කිහිපයකදී ආරක්ෂක අංශ සහ ජම්මු කාශ්මීර පොලිසිය සටන්කාමීන් යළි සමාජගත කිරීමේ මෙවැනි වැඩසටහන් පවත්වා ඇති අතර එහිදී භාරවූ සටන්කාමීන්ට ස්ථිර මුදල් තැන්පතු ලබාදීම, මාසික දීමනාවක් පිරිනැමීම, වෘත්තීය පුහුණුව ලබාදීම වැනි කටයුතු ක්රියාත්මක විය.