ටොරානා ආයතනය සමඟ ඇතිකරගෙන තිබුණු ගිවිසුම් කල්ඉකුත්වී තිබියදීත් එම ආයතනය C.T. ප්රනාන්දු මහතාගේ හා ප්රියන්ත ප්රනාන්දු මහතාගේ ගීත ඇතුළත් සංයුක්ත තැටි නිෂ්පාදනය කර අලෙවි කරන බවට C.T. ප්රනාන්දු මහතාගේ පුත් ගායක ප්රියන්ත ප්රනාන්දු මහතාගේ බිරිද චෝදනා කරනවා.
C.T. ප්රනාන්දු මහතා සහ ඔහුගේ පුත් ප්රියන්ත ප්රනාන්දු මහතා යන දෙදෙනාම මේ වන විට අභාවප්රාප්ත වී ඇති බැවින් එම ගීතවල අයිතිය පවතින්නේ ඇය සතුව බවයි ප්රියන්ත ප්රනාන්දු මහතාගේ බිරිද වන සුමී ප්රනාන්දු මහත්මිය පවසන්නේ.
අවසාන වරට ටොරානා ආයතනයත් සමඟ ඇතිකරගත් ගිවිසුම 2008 වසරේදී අවසන් වී ඇති බවත් ඉන් අනතුරුවද එම ආයතනය තවදුරටත් C.T. ප්රනාන්දු මහතාගේ සහ ප්රියන්ත ප්රනාන්දු මහතාගේ සංයුක්ත තැටි නිෂ්පාදනය කරමින් සිටින බවට ඇය පෙන්වා දෙනවා.
කෙසේ වෙතත් ඒ සඳහා කිසිදු ගෙවීමක් ඇයට හෝ පවුලේ සාමාජිකයෙකුට එම ආයතනය නොකරන බවද ඇය Youtube නාළිකාවක් සමඟ පැවැත්වූ සම්මුඛ සාකච්ඡාවකදී සදහන් කළා.