ඇෆ්ගනිස්තානය සහ පකිස්තානය අතර වන වෙළෙද කටයුතු සම්පූර්ණයෙන්ම ඇණහිටින තත්වයක් නිර්මාණය වී ඇතැයි වාර්තා වේ.
විදෙස් මාධ්‍ය වාර්තා කළේ ඇෆ්ගනිස්තානයේ බැංකු පද්ධතිය කඩාවැටීමත් ඔවුන් සතුව ඩොලර් නොමැතිවීමත් මෙම තත්වයට හේතුවී ඇති බවයි.
මේ හේතුවෙන් දින පහලොවක පමණ කාලයක් භාණ්ඩ පුරවාගත් ට්‍රක් රථ සිය ගණනක් පකිස්තානයේ පෙෂාවෝර් සහ ටොර්ක්හාම් යන දේශසීමාවට යාබදම නගරවල නතර කර ඇති බවද සදහන්.
මේ හේතුවෙන් ඇෆ්ගනිස්තානය තුළ දරුණු භාණ්ඩ හිඟයක් නිර්මාණය වෙමින් ඇති බව ද පැවසේ.
සම්පූර්ණයෙන්ම ගොඩබිම් දේශසීමාවලින් පමණක් වටවී ඇති ඇෆ්ගනිස්තානයේ ප්‍රධානතම භාණ්ඩ සැපයුම්කරුවා වන්නේ පකිස්තානයයි.
