ඉතිහාසයේ ප්‍රථම වතාවට තරු හතරේ අද්මිරාල් ලෙස සංක්‍රාන්තික ලිංගික කාන්තාවක් පත් කිරීමට ඇමරිකාව පියවර ගෙන තිබෙනවා.
ඇය ඇමරිකානු සහකාර සෞඛ්‍ය ලේකම්වරිය වන 63 හැවිරිදි රේචල් ලෙවින් වනවා.
විදෙස් මාධ්‍ය වාර්තා පෙන්වා දෙන්නේ ඒ අනුව රේචල් ලෙවින් එක්සත් ජනපද මහජන සෞඛ්‍ය කොමිෂන් බලකායේ අද්මිරාල් ධුරයට උසස් කර ඇති බවයි.
ජනපති ජෝ බයිඩන් විසින් පත් කරන ලද ආචාර්ය රේචල් ලෙවින් මේ වන විටත් එක්සත් ජනපදයේ සිටින ඉහළම මට්ටමේ විවෘත සංක්‍රාන්තික නිලධාරිනියක් වනවා.
පසුගිය අඟහරුවාදා පැවති දිව්රුම්දීමේ කතාවේදී රේචල් පැවසුවේ මෙම අවස්ථාව වැදගත් සහ ඓතිහාසික අවස්ථාවක් වන බවයි.
එමෙන්ම තමන්ට ලැබුණු මෙම අවස්ථාව සියලුම සංක්‍රාන්තික ලිංගිකයන් වෙත ලැබුණු උපහාරයක්ද වන බවද රේචල් මෙහිදී සදහන් කළා.
