සපුගස්කන්ද මාබිම තෙල් පිරිපහදු සංකීර්ණය ආසන්නයේ මාර්ගය අසල කසල ගොඩක තිබියදී ඉකුත් 04 වනදා කාන්තා මළ සිරුරක් හමුවිය.
අත් පා ගැටගසා ගමන් මල්ලක බහා තිබියදී හමුවූ එම කාන්තා මළ සිරුර සම්බන්ධයෙන් සිදුකළ විමර්ශනවලට අදාලව පුද්ගලයින් දෙදෙනෙකු පොලීසිය විසින් අත්අඩංගුවට ගෙන තිබෙනවා.
ඔවුන් මට්ටක්කුලිය සමිත්පුර ප්රදේශයේ පදිංචි 36 හැවිරිදි අඹු-සැමි යුවළක් බවයි පැවසෙන්නේ.
සිරුර ප්රවාහනය කිරීම සඳහා යොදාගත් වාහනය ද සොයාගෙන ඇති බවත් පොලිසිය පවසනවා.
කොළඹ 10, රම්සා පෙදෙස ,මාලිගාවත්ත මහල් නිවාස සංකීර්ණයේ පදිංචිව සිටි මියගිය කාන්තාව පසුගිය 28 වැනිදා සිය යෙහෙළියක සමඟ මාලිගාවත්ත ප්රදේශයෙන් ත්රිරෝද රථයක නැගී පිටත්ව ගොස් තිබුණද ඉන්පසුව ඇය සම්බන්ධයෙන් කිසිඳු තොරතුරුක් නොමැති වීම නිසා ඇගේ සැමියා පසුගිය පළමු වැනිදා ඒ පිළිබඳ බ්ලූමැන්ඩල් පොලීසියට පැමිණිලි කර තිබුණා.
එමෙන්ම ඇය දැඩි ලෙස සූදුවට යොමුවූ තැනැත්තියක් බවත් අතුරුදන් වූ දිනයේත් සූදුවෙහි නිරත පුද්ගලයින් සමඟ සිට ඇති බව වාර්තා වී ඇතැයි ද පොලීසිය සඳහන් කරයි.