ත්‍රිකුණාමලයේ තෙල් ටැංකි 100ම ඉන්දියාවට සදාකාලිකව ලබාදී අවසන් බව බලශක්ති අමාත්‍ය උදය ගම්මන්පිල මහතා පවසනවා.
ඒ, සමගී ජනබලවේගය පක්ෂයේ මන්ත්‍රී හේෂා විතානගේ මහතා විසින් අද (04) දින පාර්ලිමේන්තුවේ දී නැගු වාචික ප්‍රශ්නයකට පිළිතුරු දෙමින්.
ඉන්දු ලංකා ගිවිසුමේ දෙවන ඡේදයේ තුන්වන උපඡේදයට අනුව එම තෙල් ටැංකි සංවර්ධනය කළ හැක්කේ ෛන්දියාව සමඟ පමනක් බව පැහැදිලිවම සඳහන් වන බවයි ඔහු පෙන්වා දෙන්නේ.
එක්සත් ජාතික පක්ෂ රජයන් මගින් 1987 වසරේදී සහ 2003 වසරේදී ඉන්දියාවට පැවරූ එම තෙල් ටැංකි නැවත පවරා ගැනීම සඳහා වසරක් පුරා ගැටෙමින් සිටින බවයි ගම්මන්පිල මහතා පවසන්නේ.
තෙල් ටැංකි ඉන්දියාවට විකුනා දැමීම සඳහා තමා ඉන්දියානු විදේශ ලේකම්වරයා සමග ත්‍රිකුණාමලයේ සංචාරයක නිරත වූ බවට ඛනිජ තෙල් වෘත්තීය සමිති චෝදනා කළද එය සම්පූර්ණයෙන්ම අසත්‍යයක් බවත් තමාව හමුවීමට ඉන්දීය විදේශ ලේකම්වරයාට කිසිඳු උවමනාවක් නොමැති බවත් ඔහු වැඩිදුරටත් පවසනවා.
