කැනේඩියානු ආරක්ෂක බුද්ධි සේවයේ (CSIS) රහසිගත ලේඛන මගින් චීන රජය කැනේඩියානු මැතිවරණයට බාධා කිරීමට උත්සාහ කළ ආකාරය හෙළි කර ඇති බව Aisa Times වාර්තා කරයි.
එම වාර්තාවට අනුව, අදාළ ලිපි ලේඛන මගින් වසර ගණනාවක් පුරා තහවුරු කර ගත නොහැකිව තිබූ වන චීන කොමියුනිස්ට් පක්ෂයේ (CCP) හැසිරීම සම්බන්ධයෙන් චෝදනා ගණනාවක් සනාථ කර තිබේ.
මෙම ලේඛන හෙළිදරව් වූයේ කොතැනින්ද?, තොරතුරු හෙළි වූයේ ඇයි? සහ එය සම්පූර්ණ විෂය පථය නියෝජනය කරන්නේද? වැනි තොරතුරු තවදුරටත් තහවුරු කර ගත යුතුව ඇතැයි ප්රවෘත්ති වාර්තාව සඳහන් කරයි.
කොන්සර්වේටිව් සහ එන්ඩීපී යන පක්ෂ දෙකම චීන මැදිහත්වීම පිළිබඳ පූර්ණ මහජන පරීක්ෂණයක් ඉල්ලා ඇති බව වාර්තාවේ සඳහන් වේ.
අග්රාමාත්ය ජස්ටින් ටෘඩෝ, වැඩිදුර ක්රියාමාර්ග අවශ්ය නොවන බව කලින් ප්රකාශ කළද, ආන්ඩුව ආන්දෝලනයේ තොරතුරු විමර්ශනය කිරීම සඳහා ජාතික ආරක්ෂක කමිටු දෙකක් සමඟ කටයුතු කරන “විශේෂ වාර්තාකරුවෙකු” පත් කරන බව දැන් නිවේදනය කර තිබේ.
පවතින තොරතුරුවලින් පෙනී යන්නේ 2019 සහ 2021 මැතිවරණ දෙකේදීම චීන ඇඟිලි ගැසීම් පිළිබඳ අගමැති සහ ඔහුගේ කාර්ය මණ්ඩලය අවස්ථා කිහිපයකදීම දැනුවත් කර ඇති බවයි.