ජාත්යන්තර සංවර්ධනය සඳහා වූ එක්සත් ජනපද නියෝජිතායතනය (යු එස් ඒඩ්)වසා දැමීමට ඇමරිකානු ජනාදිපති ඩොනල්ඩ් ට්රම්ප් එකඟතාවය පළ කර ඇති බව ඊලෝන් මස්ක් පවසා තිබෙනවා.
X හි සටහනක් තබමින් ඊලෝන් මස්ක් පෙන්වා දී තිබුණේ, USAID පිළිබඳව තමා ට්රම්ප් සමඟ විස්තරාත්මකව සාකච්ඡා කළ අතර ඒ අතරතුර කිහිපවිටෙකම ට්රම්ප් එය වසා දැමීමට එකඟතාවය පළ කර ඇති බවයි.
මස්ක් මෙම ප්රකාශය නිකුත් කර ඇත්තේ, ඔහුට අයත්, රජයේ කාර්යක්ෂමතා දෙපාර්තමේන්තු (Department of government efficiency)) සාමාජිකයින් විසින් USAIDහි දත්ත පද්ධතිවලට පිවිසීම සඳහා අවසරය ලබා දීම ප්රතික්ෂේප කිරීම හේතුවෙන් පසුගිය සතියේ, USAIDහි නිලධාරීන් දෙදෙනෙක් නිවාඩු යැවීමට පියවර ගෙන ඇති පසුබිමකයි.
USAID මඟින් වාර්ෂිකව ලෝකයේ නොයෙක් රටවලට බිලියන ගණනක් මානුෂීය ආධාර සහ සංවර්ධන අරමුදල් ලබා දීම සිදු කෙරෙනවා.
විදේශ ආධාර ලබා දීමට දින 90කට නවතා දමන ලෙස ට්රම්ප් කළ නියෝගයක් නොසලකා හරිමින් කටයුතු කළ බවට චෝදනා කරමින් USAID කාර්ය මණ්ඩලයේ සාමාජිකයින් 60 දෙනෙකු පමණ පසුගිය සතියේ නිවාඩු යවා තිබුණා.