ඇමරිකා එක්සත් ජනපදය සහ සෞදි අරාබිය අතර ඇමරිකානු ඩොලර් බිලියන 142 කට ආසන්න වටිනාකමකින් යුතු ආරක්ෂක ගිවිසුමක් අත්සන් කර තිබෙනවා.
ධවල මන්දිරය මෙය හඳුන්වා ඇත්තේ, ආරක්ෂක එකඟතාවයක් සැලකූ විට ඉතිහාසයේ විශාලතම ගනුදෙනුව ලෙසයි.
මෙම ගිවිසුම, අත්සන් කර ඇත්තේ සෞදි අරාබිය ඇමරිකාව අතර ආරම්භ වීමට නියමිත ඇමරිකානු ඩොලර් බිලියන 600 ක පැකේජයක කොටසක් වශයෙනි.
එම පැකේජයට බලශක්ති සහ තාක්ෂණ ක්ෂේත්‍රවල සෞදි අරාබියේ සුවිශාල ආයෝජනද ඇතුළත් වෙනවා.
මේ අතර, අද දිනයේ අත්සන් කෙරුණු ආරක්ෂක ගිවිසුමට අදාළව අවි අලෙවිය කාණ්ඩ පහකට වෙන් කර ඇති අතර,ඊටෙ ගුවන් හමුදා දියුණුව සහ අභ්‍යවකාශ හැකියාවන්, ගුවන් සහ මිසයිල ආරක්ෂාව, සමුද්‍රීය සහ වෙරළබඩ ආරක්ෂාව, දේශසීමා ආරක්ෂාව සහ ගොඩබිම් හමුදා නවීකරණය, තොරතුරු සහ සන්නිවේදන පද්ධති වැඩිදියුණු කිරීම් ආදිය ඇතුළත් වෙනවා.
ධවල මන්දිරය පවසන්නේ, සෞදි සේවා ඇකඩමි සහ හමුදා වෛද්‍ය සේවා වැඩිදියුණු කිරීම ඇතුළුව සෞදි සන්නද්ධ හමුදාවන්ගේ ධාරිතාව ගොඩනැගීම සඳහා පුළුල් පුහුණුවක් සහ සහාය ලබා දීමද ඊට ඇතුළත් බවයි.
