අමෙරිකාව, ගාසා තීරය පවරාගෙන සංවර්ධනය කරන බව ඇමෙරිකානු ජනාධිපති ඩොනල්ඩ් ට්රම්ප් පවසනවා.
ධවල මන්දිරයේ සංචාරයක නිරත ඊශ්රායල අග්රාමාත්ය බෙන්ජමින් නෙතෙන්යාහු සමඟ මාධ්ය හමුවකට එක්වෙමින් ට්රම්ප් මේ බව සඳහන් කර තිබුණා.
ඊශ්රායල අග්රාමාත්ය බෙන්ජමින් නෙතෙන්යාහු යනු ඩොනල්ඩ් ට්රම්ප් අමෙරිකානු ජනාධිපති ධුරයට පත් වීමෙන් පසු අමෙරිකාවට පැමිණි පළමු රාජ්ය නායකයායි.
එම මාධ්ය හමුවේදී ඇමෙරිකාව ගාසා තීරය පවරාගෙන එහි සිටින පලස්තීන වැසියන් සාමකාමී සහ සංවර්ධිත රටවල පදිංචි කිරීමට සූදානම් බව ට්රම්ප් පවසා තිබුණා.
ඔහු තවදුරටත් සඳහන් කර ඇත්තේ ගාසා තීරයේ දීර්ඝ කාලීන හිමිකරුවෙකු වීමට අවස්ථාවක් ඇමරිකාවට ඇති බවයි.
කෙසේ වෙතත්, මේ සම්බන්ධයෙන් ප්රකාශයක් නිකුත් කරමින් හමාස් සංවිධානය පවසා ඇත්තේ, ට්රම්ප්ගේ අවශ්යතාවය ඉටු වීමට පලස්තීන වැසියන් කිසිසේත්ම ඉඩ නොදෙනු ඇති බවයි.