ඇෆ්ගනිස්තායේ පවතින මානුෂීය අර්බුදය විසදා ගැනීමට තලේබාන් සංවිධානයට අවශ්ය සහය ලබාදුන්නද තලේබාන් අන්තර්වාර රජය පිළිනොගන්නා බව තුර්කිය පවසයි.
තුර්කි විදේශ අමාත්යංශයේ ප්රකාශක අබ්දූල් බල්කි මේ බව සදහන් කළේ තුර්කියේ සංචාරයක නිරත වූ ඇෆ්ගනිස්තානයේ තලේබාන් අන්තර්වාර රජයේ විදේශ ඇමති අමීර් ඛාන් මුට්ටාකි ඇතුළු නියෝජිත පිරිස සහ තුර්කි බලධාරීන් අතර පැවති සාකච්ඡාවලින් අනතුරැව ඒ පිළිබද අදහස් දක්වමිනි.
රටේ එක්සත්භාවය නිරූපනය වන පරිදි සියලු වාර්ගික නියෝජනයක් සහිත ආණ්ඩුවක් පැවතීම, කාන්තා අයිතිවාසිකම්, සියලුදෙනාට අධ්යාපනය ලැබීමට ඇති අයිතිය යන කරුණු ඉටුකළ යුතු බවට තලේබාන් පාලනයට අවධාරණය කළ බව ද තුර්කි විදේශ අමාත්යංශයේ ප්රකාශකයා සදහන් කළේය.
ද්වි පාර්ශ්වික සබදතා පවත්වාගන්නා ආකාරය, මානුෂීය ආධාර ලබාදීම, සංක්රමණික ගැටලු මෙන්ම ඇෆ්ගනිස්තානය වෙත යළිත් තුර්කි ගුවන් සේවයේ මෙහෙයුම් ආරම්භ කිරීම පිළිබද තලේබාන් තුර්කි සාකච්ඡාවලදී අවධානය යොමු කර තිබේ.