ඇෆ්ගනිස්තානයේ තලේබාන් පාලනය සමඟ සබදතා තරකර ගන්නා බව තුර්කිය අවධාරණය කරයි.
කාබුල්හි තුර්කි තානාපති කාර්යාලය තැබූ ට්විටර් සටහනක දැක්වෙන්නේ ඇෆ්ගනිස්තානයේ තුර්කි තානාපති චිහාඩ් එරිගිනායි සහ ඇෆ්ගනිස්තානයේ තලේබාන් පාලනයේ දෙවන වැඩබලන නියෝජ්‍ය අගමැති අබ්දූල් සලාම් හනෆි අතර පැවති සාකච්ඡාවකදී මෙම එකගතාවයට පැමිණි බවයි.
මේ අතර ඇෆ්ගනිස්තානයේ තුර්කි තානාපති චිහාඩ් එරිගිනායි ඇෆ්ගනිස්තානයේ වැඩබලන වාණිජ අමාත්‍ය නූර්දීන් අසීසි ද හමුවී සාකච්ඡා පවත්වා තිබේ.
දෙරට අතර වන වෙළෙද කටයුතු තවදුරටත් පුලුල් කිරීමටත් ඇෆ්ගනිස්තානයේ කර්මාන්ත සංවර්ධනය සදහා තුර්කියේ සහය ලබාදීම සම්බන්ධයෙනුත් මෙහිදී එකගතාවයකට පැමිණි බව විදෙස් මාධ්‍ය වාර්තා වැඩිදුරටත් සදහන් කරයි.
දශක ගණනාවක් පුරා ඇෆ්ගනිස්තානය වෙළාගත් අර්බුදවලින් මිදීම සදහා අවශ්‍ය සහය ලබාදීමට තම රට සූදානම් බව තුර්කි ජනාධිපති තායිප් එර්දාගොන් ද මීට පෙර ප්‍රකාශ කර තිබිණ.
