සති දෙකකට අධික කාලයක් රට අගුලු දමා රටවැසියන්ව නිවෙස්වල රදවා විදේශිකයන්ට රට සම්පූර්ණයෙන්ම විවෘත කිරීම හේතුවෙන් තුර්කි රජයට එරෙහිව දැඩි විරෝධයක් මතුව තිබේ.
පසුගිය අප්රේල් තිස්වනදා සිට තුර්කිය රට වසා දමා තිබුණද විදේශිය සංචාරකයන් සදහා එම තහනම අදාළ වන්නේ නැත.
මේ අනුව කෝවිඩ් ආසාදිතයකු නොවන බවට වන වාර්තාවක් රැගෙන තුර්කියට ඇතුලුවන විදෙස් සංචාරයකයන්ට එරට තුළ සැරිසැරීමට අවස්ථාව ලැබී තිබේ.
මේ අන්දමට තුර්කියේ සැරිසරන සංචාරකයන් පිරිසක් එරට ඉස්තාන්බුල් නගරයේ ඉපැරැණි මුස්ලිම් දේවස්ථානයක් ඉදිරිපිට සිට ලබාගත් ඡායාරූප සමාජ මාධ්යවල පළකර ඇති බව සදහන් වේ.
මේ සමග තුර්කි වැසියන් දැඩි ලෙස කෝපයට පත්ව ඇති අතර තමන්ට රට වසා සංචාරයකයන්ට විවෘත කිරීම සම්බන්ධයෙන් ඔවුන් සමාජ මාධ්ය ඔස්සේ රජයට එරෙහි සංවිධානාත්මකව විරෝධතාවයන්ගේ නිරතවන බව එරට මාධ්ය වාර්තා කරයි.