සෑම මසකම පළමු වනදා සහ 15 වනදා හෝ මසකට එක්වරක් මිල සූත්රයට අනුව ඉන්ධන මිල සංශෝධනය සිදුකරන බව විදුලි බල හා බලශක්ති අමාත්ය කංචන විජේසේකර මහතා පවසනවා.
පෞද්ගලික රූපවාහිනී නාලිකාවක සාකච්ඡාවකට එක්වෙමින් අමාත්යවරයා සදහන් කළේ මේ වන විට පවත්නා තත්ත්වය අනුව ඉන්ධන මිල පහළ යෑමේ හැකියාවක් පවතින බවයි.
ප්රශ්නය – මැති සබයේ ඡන්දයක් පැවැත්වීමට ඔන්න මෙන්න තිබෙද්දි රනිල් වික්රමසිංහ මහතා රු 10කින් රු 20කින් ඉන්ධන මිල පහත දැමුවා.
“ඒක වැරදියි. අපි සති දෙකකට හෝ මාසයකට වතාවක් ඉන්ධන මිල වෙනස් කරන්න තමා අපි තීන්දු කරලා තිබුණේ. මිල සුත්රයක් තියෙනවා. හැම මාසයේ ම 1 වනදා රාත්රීයේ සහ 15 වනදා රාත්රීයේ. මේ දින දෙකේ තමා අනිවාර්යයෙන්ම මිල සංශෝධනය වෙන්නේ. බොහෝ දුරට අපිට පේනවා මිල අඩුවේගන යන ප්රමාණයක් පේනවා. ඒ නිසා මම හිතනවා ඊළඟ මිල සංශෝධනය ඇතුළෙත් යම්කිසි අඩුවීමක් සිදුවෙයි කියලා. සියලුම ත්රීරෝද රථහිමියන්ට අද අපි පොලීසිය දැනුවත් කරලා තියෙන්නේ සියලුම පොලිස් ස්ථාන වෙත තමන්ගේ පොලිස් ස්ථානයට ගිහින් ඉදිරි දින කිහිපය තුළ ලියාපදිංචි වෙන්න. ඒ ලියාපදිංචි වෙද්දි ඔබේ ආසන්නම ඉන්ධන පිරවුම්හල මොකද්ද කියන එකත් දැනුවත් කරන්න. ඉදිරියේ දී අපි වෙන්කරනවා එයා ලියාපදිංචි වෙලා ඉන්න පිරවුම්හලෙන් විතරයි ඉන්ධන ලබාගත හැක්කේ. නැත්නම් මේක පාලනය කරන්න බැරිවෙනවා.”