පකිස්තානයේ කරච්ච නගරයේදී මෝටර් රථයකින් ගමන් ගනිමින් සිටි චීන ජාතිකයන් දෙදෙනෙක් ඉලක්ක කරගෙන වෙඩි ප්‍රහාරයක් එල්ල වී තිබේ.
එහිදී බරපතල තුවාල ලැබූ චීන ජාතිකයන් දෙදෙනා රෝහල්ගත කර ඇති අතර පකිස්තාන ආරක්ෂක බලධාරීන් සදහන් කළේ යතුරු පැදියකින් පැමිණි නාදුනන තුවක්කුකරුවන් දෙදෙනෙකු මෙම ප්‍රහාරය එල්ල කර ඇති බවයි.
මෙය හුදකළා සිද්ධියක් බවත් පකිස්තානයේ සිටින චීන ජාතිකයන්ගේ සහ එහි ඇති චීන දේපලවල ආරක්ෂාව සම්බන්ධයෙන් පූර්ණ විශ්වාසය ඇති බවත් මේ පිළිබද අදහස් දක්වමින් චීන විදේශ අමාත්‍යාංශයේ ප්‍රකාශක ෂාහෝ ලීජියාං පවසා ඇත.
කෙසේවෙතත් මීට සති දෙකකට පමණ පෙර ද කයිබර් පක්තුන්ක්වාහි උතුරැ කොයිෂ්තාන් ප්‍රදේශයේ දී වේල්ලක් ඉදිකිරීමෙි වැඩබිමක සේවය සදහා චීන ජාතිකයන් ඇතුළු පිරිසක් රැගෙන යමින් සිටි බස්රථයකට ද ප්‍රහාරයක් එල්ල විය.
එහිදී බස්රථයේ ගමන් ගත් 13 දෙනෙකු මියගිය අතර ඉන් 9 දෙනෙකුම චීන ජාතිකයෝ වූහ.
පසුගිය අප්‍රේල් මාසයේදී දකුණු පකිස්තානයේ ක්වෙට්ටාහි පිහිටි හෝටල් භූමියක සිදුවූ බෝම්බ පිපිරීමකින් පුද්ගලයන් සිවිදෙනෙකු මියගිය අතර පසුව හෙළිවූයේ පකිස්තානයේ චීන තානාපතිවරයා එදින එම හෝටලයේ නවාතැන් ගෙන සිටි බවයි.
