ඉන්දියාවේ නිෂ්පාදිත නැනෝ නයිට්‍රජන් දියර පොහොර රැගත් ඉන්දීය ගුවන් හමුදාවේ විශේෂ භාණ්ඩ ප්‍රවාහන ගුවන් යානා දෙකක් අද (04) අලුයම කටුනායක ගුවන්තොටුපළට ළඟා විය.
ගුවන්තොටුපළ කාර්යභාර නිලධාරිවරයා සඳහන් කළේ, ඉන්දීය ගුවන් හමුදාවට අයත් අයි.එෆ්.සී.- 8 ඩී 21 භාණ්ඩ ප්‍රවාහන ගුවන් යානයක් අද අලුයම 12.06 ට දිවයිනට පැමිණි බවයි.
එම ගුවන් යානය තුළ ඇති නැනෝ නයිට්‍රජන් දියර පොහොර ප්‍රමාණය කිලෝ ග්‍රෑම් 44,730 කි.
අනෙක් යානය වන අයි.එෆ්.සී. – 8 – ඊ – 21 දරණ විශේෂ භාණ්ඩ ප්‍රවාහන ගුවන් යානය නැනෝ නයිට්‍රජන් පොහොර කිලෝග්‍රෑම් 44,773ක් රැගෙන එනු ලැබුවා.
පොහොර තොගය ලොරි රථ මගින් කොළඹ කෘෂිකර්ම අමාත්‍යාංශයේ මධ්‍යම ගබඩා සංකීර්ණය වෙත රැගෙන යෑමට සූදානම් කර ඇතැයි වාර්තා වනවා.
මීට පෙර පසුගිය මස 20 වැනිදා නැනෝ නයිට්‍රජන් දියර පොහොර ලීටර් ලක්ෂයක් මෙරටට රැගෙන එනු ලැබුවා.
