චීනයේ නිෂ්පාදිත තවත් සයිනොෆාම් එන්නත් මාත්රා මිලියන 2ක තොගයක් මෙරටට රැගෙන විත් තිබෙනවා.
අද (22) අලුයම 05.30ට පමණ බීජිං නුවර සිට පැමිණි ගුවන් යානා දෙකකින් එම එන්නත් තොගය මෙරට රැගෙන ආවා.
අදාළ එන්නත් තොගය රාජ්ය ඖෂධ නීතිගත සංස්ථාව විසින් චීනයෙන් මිලදී ගෙන ඇති බවයි වාර්තාවන්නේ.
රාජ්ය අමාත්ය මහාචාර්ය චන්න ජයසුමන මහතා සඳහන් කරන්නේ මෙම තොගයත් සමග මෙරටට රැගෙන ආ සමස්ත සයිනොෆාම් එන්නත් ප්රමාණය මිලියන 9.1ක් වන බවයි.
අද දිනයේ මෙරටට ලැබුණු එන්නත් ප්රමාණයෙන් මාත්රා ලක්ෂ 4ක් කුරුණෑගල දිස්ත්රික්කයටත් එන්නත් මාත්රා 275,000ක් ගාල්ල දිස්ත්රික්කයකටත් බෙදා දීමට නියමිතයි.
එමෙන්ම මාතර, බදුල්ල සහ රත්නපුර යන දිස්ත්රික්ක සඳහා එන්නත් මාත්රා ලක්ෂ 2 බැගින් ද පුත්තලම, පොළොන්නරුව, නුවරඑළිය, මොනරාගල, අම්පාර සහ මඩකලපුව දිස්ත්රික්කවලට එන්නත් මාත්රා ලක්ෂය බැගින් ද , හම්බන්තොට දිස්ත්රික්කයට එන්නත් මාත්රා 125,000ක් ද ලබාදීමට සැලසුම් කර ඇතැයි මහාචාර්ය චන්න ජයසුමන මහතා පවසනවා.
සෞඛ්ය අධ්යක්ෂ ජනරාල්, වෛද්ය අසේල ගුණවර්ධන මහතා සඳහන් කරන්නේ ලබන 26 වනදා තවත් සයිනොෆාම් සහ ෆයිසර් එන්නත් තොගයක් මෙරටට ලැබීමට නියමිත බවෙයි.