දරුණු ගණයේ අපරාධකරුවන් රඳවා සිටින බුස්ස බන්ධනාගාරයේ අධි ආරක්‍ෂිත සිර මැඳිරිවල රැඳවියන් දෙදෙනෙකුගෙන් සඟවා තිබූ ජංගම දුරකථන දෙකක් විශේෂ කාර්ය බලකායේ නිලධාරීන් සොයාගෙන තිබෙනවා.
බුස්ස බන්ධනාගාර අධිකාරි කාර්යාලය ප්‍රකාශ කළේ කන්ජිපානි ඉම්රාන් නැමැති අපරාධකරු රඳවා සිටින සිර මැදිරියේ සඟවා තිබියදී එක් ජංගම දුරකථනයක් ද ශානුක මධුෂාන් නැමැති අපරාධකරු රඳවා සිටින සිර මැදිරියේ සඟවා තිබියදී තවත් දුරකතනයක් සොයාගෙන ඇති බවයි.
සිද්ධිය සම්බන්ධයෙන් මේ වන විට බන්ධනාගාර අධිකාරිවරයා පරිෂණයක් ආරම්භ කර තිබෙනවා.
