පොළොන්නරුව මනම්පිටිය නගරයට ආසන්නව කදුරුවෙල දෙසට ධාවනය කළ ත්‍රීරෝද රථයක් තවත් ත්‍රිරෝද රථයක් ඉස්සර කිරීමට යෑමේදී, එම ත්‍රීරෝද රථ දෙක එකිනෙක ගැටී මාර්ගයට පෙරලීමෙන් ත්‍රිරෝද දෙකේ ගමන් ගත් අවුරුදු තුනක දැරියක් ඇතුළු හය දෙනකු තුවාල ලබා පොළොන්නරුව මහ රෝහලට ඇතුළත් කර ඇති බව මනම්පිටිය පොලිසිය පවසනවා.
මනම්පිටිය පොලිසිය සඳහන් කළේ, මෙලෙස අනතුරට පත්ව ඇත්තේ හසලක සහ දිඹුලාගල ප්‍රදේශයේ පිරිසක් බවයි.
පොළොන්නරු ප්‍රදේශයේ වෙසක් සිරි නැරඹීමට යමින් සිටි පිරිසක් මෙම අනතුරට පත්ව ඇති බවද මනම්පිටිය පොලිසිය පවසනවා.
