අධ්‍යාපනය චීන භාෂාවෙන් සිදුකිරීම අනිවාර්ය කිරීමට චීන බලධාරීන් ගෙන ඇති තීරණය විවේචනය කළ චින්ගායි පළාතේ ටිබෙට් සිසුන් දෙදෙනෙකු බලධාරීන් විසින් අත්අඩංගුවට ගෙන තිබේ.
මෙහි ඇති විශේෂත්වය වන්නේ මෙම තරුණයන් දෙදෙනා අදාළ විවේචනාත්මක සංවාදය සිදුකර ඇත්තේ චීනයේ භාවිතා කරන වීචැට් මෘදුකාංගය හරහා වීමයි.
රේඩියෝ ෆ්‍රී ඒෂියා සේවය වාර්තා කළේ අධිතාක්ෂණය ක්‍රමවේද හරහා එම සංවාදය නිරීක්ෂණය කළ බලධාරීන් මෙම අත්අඩංගුවට ගැනීම සිදුකර ඇති බවයි.
චීන බලධාරීන් විසින් හදිසියේ ගෙන ඇති සැප්තැම්බර් සිට චීන භාෂාව අනිවාර්ය කිරීමේ තීරණය හේතුවෙන් ටිබෙට් ජනතාව දැඩි දුෂ්කරතාවයන්ට මුහුණ දී සිටින බවද සදහන් වේ.
නව පෙළ පොත් මිලදී ගැනීම, අධ්‍යාපන රටාව වෙනස් වීම වැනි කරුණු හේතුවෙන් ඊට එරෙහිව ජන විරෝධයක් මතුව ඇතැයි ද එරට වාර්තා පවසයි.
