මහ කන්නය සඳහා ගොවීන්ට අවශ්‍ය කාබනික පොහොර වර්ග 04ක් නිර්දේශ කර ඇතැයි කෘෂිකර්ම අමාත්‍ය මහින්දානන්ද අලුත්ගමගේ මහතා පවසනවා.
ඉන් පොහොර වර්ග 02ක් මෙරට නිෂ්පාදනය කිරීමට අවධානය යොමු වී ඇති අතර අනෙක් පොහොර වර්ග 02 ආනයනය කිරීමටත් කටයුතු කර ඇති බවයි අමාත්‍යවරයා පවසන්නේ.
ආනයනය කරන පොහොර කාබනික පොහොර පමණක් වන බවත්, එය ජාත්‍යන්තර ලංසු කැඳවීමත් හරහා සිදු කරන බවත් ඔහු සඳහන් කර සිටිනවා.
එළඹෙන මහ කන්නයට අවශ්‍ය පොහොර සියල්ල මේ වනවිටත් සකස් කරමින් සිටින බවත් , ඒ අනුව ඔක්තෝම්බර් මුල් කාලය වනවිට අවශ්‍ය සියලු පොහොර ලබා දීමට කෘෂිකර්ම අමාත්‍යාංශය කටයුතු කරන බවත් කෘෂිකර්ම අමාත්‍යවරයා පවසනවා.
