වෑන් රථයක් යතුරුපැදියක ගැටී අද (04) සිදුවූ අනතුරකින් කාන්තාවන් දෙදෙනෙක් මියගොස් තුන් හැවිරිදි දරුවෙකු තුවාල ලබා තිබෙනවා.
යතුරුපැදියේ ගමන් කළ 38 සහ 58 හැවිරිදි කාන්තාවන් දෙදෙනා මෙලෙස මියගොස් ඇති අතර ඔවුන් සමග සිටි දරුවා තුවාල ලබා තිබුණා.
ඔවුන් මළුලෑව ගල්ගමුව ප්රදේශයේ පදිංචිකරුවන්.
පොලීසිය සඳහන් කළේ දරුවා වැඩිදුර ප්රතිකාර සඳහා අනුරාපධුර රෝහලට ඇතුළත් කළ බවයි.
වෑන් රථයේ රියදුරුට නින්දයෑම හේතුවෙන් රථය මාර්ගයෙන් ඉවතට පැන ප්රතිවිරුද්ධ දිශාවෙන් පැමිණි යතුරුපැදියේ ගැටී අනතුර සිදුවී තිබෙනවා.
අනතුර සිදුවී තිබුණේ එප්පාවල පොලිස් වසමේ තලාව කැකිරාව මාර්ගයේ කටියාව හන්දිය ආසන්නයේදී.
වෑන් රථයේ රියදුරුව පොලීසිය විසින් අත්අඩංගුවට ගෙන ඇති අතර ඔහු අනුරාධපුර පොලීසියට අනුයුක්ත පොලිස් සැරයන්වරයෙක්.
එප්පාවල පොලීසිය වැඩිදුර විමර්ශන සිදුකරනවා.
