එක්සත් අරාබි එමීර් රාජ්‍යයේ ස්වෛරී ධන අරමුදල විසින් පුනර්ජනනීය බලශක්තිය, ටෙලිකොම්, මාර්ග යටිතල පහසුකම් ඇතුළු අනෙකුත් අංශ හරහා ඉන්දියාවේ ඩොලර් බිලියන 10 කට වඩා ආයෝජනය කර ඇති බව වාර්තා වේ.
ඉන්දියාවේ නිශ්චල දේපල සංවර්ධකයින්ගේ සංගමයේ (CREDAI) තුන්දින වාර්ෂික සමුළුවේදී එක්සත් අරාබි එමීර් රාජ්‍යයේ හි ඉන්දීය තානාපති සංජේ සුධීර් අවධාරණය කළේ ද්විපාර්ශ්වික ආයෝජනවල වැඩිවීමක් සමඟ ද්විපාර්ශ්වික සබඳතා වේගවත් වී ඇති බවයි.
ඉන්දියාව එක්සත් අරාබි එමීර් රාජ්‍යය 2014 සිට ද්විපාර්ශ්වික සබඳතාවල වේගවත් ප්‍රගතියක් ලබා තිබෙන බව ඔහු පැවසීය.
2022 පෙබරවාරි මාසයේ දී විස්තීරණ ආර්ථික හවුල්කාරිත්ව ගිවිසුම (CEPA) අත්සන් කිරීමත් සමඟ ද්විපාර්ශ්වික වෙළඳාම අඛණ්ඩව ශක්තිමත් වී ඇති බව ද මෙහිදී අනාවරණය කෙරිණ.
පසුගිය වසර පහක පමණ කාලය තුළ අදාළ අයෝජන සිදුකර ඇති බව ද මෙහිදී හෙළිදරව් විය.
