ආන්දෝලනයට තුඩු දී ඇති යුක්රේන සංචාරකයින් මෙරටට ගෙන්වීමේ නියමු ව්යාපෘතියේ නොනිල ප්රධානියා ලෙස කටයුතු කරන රුසියාවේ හිටපු ශ්රී ලංකා තානාපති උදයංග වීරතුංග මහතා අදාල ව්යාපෘතිය සම්බන්දයෙන් එල්ලවන චෝදනාවලට පිළිතුරු ලබාදී තිබෙනවා.
ඔහු පවසන්නේ මෙම නියමු ව්යාපෘතිය ජනාධිපති ගෝඨාභය මහතාගේ අවසරය පරිදි, අගමැති මහින්ද රාජපක්ෂ මහතාගේ උපදෙස් මත, බැසිල් රාජපක්ෂ මහතාගේ සම්පූර්ණ අධීක්ෂණය යටතේ ක්රියාත්මක වන බවයි.
ඒ අනුව වසර 09 ක සංචාරක ප්රවර්ධන කටයුතු සිදුකර ඇති පලපුරුද්ද මත මෙම වැඩසටහන තමන් සංවිධානය කර යුක්රේන සංචාරකයින් මෙරටට ගෙන්වීමට තමන් කටයුතු කල බව ඔහු මෙහිදී සදහන් කළා.
යුක්රේනයේ ගුවන් යානා ආයතන හා සංචාරක ආයතන තමන් පිළිබදව ඇති විශ්වාසය හේතුවෙන් මෙම වැඩපිළිවෙල සදහා සම්පූර්ණ සහයෝගය ලබාදෙන බවද ඔහු පවසනවා.
මෙම කරුණු පැහැදිලි කිරීමට පසුගිය 29 වනදා මෙරටට පැමිණි යුක්රේන ජාතික තරුණියක්ද උදයංග වීරතුංග මහතා සමඟ සම්බන්ද වුණා.
කෙසේ වෙතත් ඔවුන් දෙදෙනාගෙන් එක් අයෙකු හෝ මුව ආවරණයක් පැළද නොසිටීම විශේෂත්වයක්.
කෙසේ වෙතත් යුක්රේන ජාතිකයින් යාල වනෝද්යානයේ සංචාරයට රැගෙන ගිය සෆාරි ජීප් රථ රියදුරන් 28 දෙනෙක් මේ වන විට හම්බන්තොට ප්රදේශයේ නිරෝධායන මධ්යස්ථානයනක දින 28 ක් නිරෝධායනයට යොමුකර තිබෙනවා.