මධ්‍යම සංස්කෘතික අරමුදලට අයත් පුරාවිද්‍යාත්මක ස්ථානයක් වන සීගිරිය ස්ථානයට නැරඹීමට ගිය යුක්‍රේන ජාතිකයන් පිරිසක් එහි නීති රීති උල්ලංඝණය කරමින් හැසිරී ඇති අන්දම පිළිබදව තොරතුරු වාර්තා වනවා.
යුක්‍රේනයෙන් පැමිණි සංචාරකයන් පිරිස ඊයේ (18) දිනයේ සීගිරිය සංචාරක ප්‍රදේශය නැරඹීමට ගොස් ඇති අතර ඔවුන් සමඟ මෙම සංචාරක නියමු ව්‍යාපෘතියේ සංවිධායක උදයංග වීරතුංග මහතාද ගොස් තිබෙනවා.
එහිදී ඓතිහාසික සීගිරි බිතු සිතුවම් තිබෙන ස්ථානයේ සිට මෙම පුද්ගලයින් ඡායාරූප ගෙන ඒවා සමාජ මාධ්‍ය ඔස්සේ ප්‍රසිද්ධ කර තිබුණා.
පුරාවිද්‍ය දෙපාර්තමේන්තුව විසින් මෙම ස්ථානය ඡායාරූප ගැනීම තහනම් කර ඇති ස්ථානයක් ලෙස නම් කර තිබෙනවා.
ඊට හේතුව ලෙස ඔවුන් සදහන් කර ඇත්තේ ඡායාරූප ගැනීමේදී නිකුත්වන ආලෝකය මඟින් මෙම ඓතිහාසික බිතු සිතුවම්වලට හානි සිදුවීමයි.
කෙසේ වෙතත් රුසියාවේ හිටපු තානාපති උදයංග වීරතුංග ඇතුළු මෙම පිරිස එම තහනම දැක්වෙන පුවරුවක් අසලම සිට අදාල ඡායාරූප ගෙන තිබුණා.
2015 වසරේදී සීගිරිය නැරඹීමට පැමිණි වයස අවුරුදු 27 ක් වයසැති තරුණියක් තම කොණ්ඩ කට්ටකින් සීගිරිය කැටපත් පවුරේ සටහනක් යෙදීම හේතුවෙන් ඇයට වසර දෙකක සිර දඩුවමක් නියම වුණා.
වැඩිදුර බලන්න…
