උගන්ඩාවේ ජනාධිපතිවරයාට සහ ඔහුගේ පවුලට ටික් ටොක් වීඩියෝවක් ඔස්සේ අපහාස කළ බවකියන 24 හැවිරිදි තරුණයෙකුට එරට අධිකරණය වසර හයක සිර දඬුවමක් නියම කර තිබෙනවා.
උගන්ඩාවේ ජනපති යොවේරි මුසවේනිට එරෙහිව වෛරී ප්රකාශ සිදු කිරීම ජනාධිපති ආර්යාවට සහ උගන්ඩාවේ හමුදා ප්රධානියා වන ජනපති පුත් මහුසී යන අය සම්බන්ධයෙන් නොමඟ යවන සුළු තොරතුරු නිකුත් කිරීම යන චෝදනා යටතේ මෙම තරුණයාට අදාළ සිර දඬුවම නියම කර ඇති බවයි වාර්තා වෙන්නේ.
මුසවේනි ජනාධිපතිවරයා යටතේ බදු වැඩි වීමක් සිදුවන බවටද මෙම තරුණයා විසින් අපවාදාත්මක තොරතුරු හුවමාරු කර තිබීම සම්බන්ධයෙන්ද අධිකරණය අවධානය යොමු කර තිබෙනවා.
තරුණයා මෙම වරද පිළිගෙන අධිකරණයෙන් සමාව අයැද ඇති නමුත් උගන්ඩා අධිකරණය පෙන්වා දී ඇත්තේ ඔහු මෙම වීඩියෝ භාවිත කර ඇති වචන සමාව දිය නොහැකි අන්දමේ අසභ්ය ඒවා බවයි.
ඒ අනුව, අදාළ දඬුවමෙන් ඔහු අතීතයේ වැරදි යළිත් නොකිරීමට ඉගෙන ගනු ඇති බවත්, ජනාධිපතිවරයාට ආර්යාවට සහ ඔහුගේ පුත්රයාට ගරු කරනු ඇති බවත් මෙමෙ තීන්දුවා ලබා දෙමින් මහේස්ත්රාත්වරයා පවසා තිබුණා.