ඇෆ්ගනිස්තානයේ සිට පාකිස්තානයට සහ අනෙකුත් අසල්වැසි රටවලට තර්ජනයක් වන සියලු ආකාරයේ ත්‍රස්තවාදී ක්‍රියාකාරකම් අවසන් කිරීම සහතික කරන ලෙස එක්සත් ජාතීන්ගේ මහලේකම් ඇන්ටෝනියෝ ගුටරෙස් කාබුල්හි තලේබාන් පරිපාලනයෙන් ඉල්ලා තිබේ.
ඔහු නිව්යෝර්ක්හි එක්සත් ජාතීන්ගේ මාධ්‍ය හමුවකදී පැවසුවේ මේ සම්බන්ධයෙන් තලේබාන් බලධාරීන් සමඟ සක්‍රීයව සාකච්ඡාවල නියැලී සිටින බවයි.
ඇෆ්ගනිස්ථානයෙන් පාකිස්තානය ඇතුළු අසල්වැසි රටවලට තර්ජනයක් වන ත්‍රස්තවාදී සංවිධානවල සියලු ආකාර ක්‍රියාකාරකම් නැවැත්විය යුතු බව ජාත්‍යන්තර ප්‍රජාවෙන් පැහැදිලි ඉල්ලීමක් ඇති බව ඔහු එහිදී පැවසීය.
කලාපයේ වෙනත් කිසිදු රටකට සාපේක්ෂව පාකිස්ථානය සම්බන්ධයෙන් බලපෑමක් ඇති කළ හැකි කිසිදු ආකාරයක ත්‍රස්තවාදී ක්‍රියාවකට ඉඩ නොදීම තලේබාන් සංවිධානය සිදුකළ යුතු බව ද ඔහු මෙහිදී අවධාරණය කර ඇත.
