තලේබාන් සංවිධානය තමන්ගේ සේවය පවත්වාගෙන යාමට ඉඩ ලබා නොදෙන බවට ඇෆ්ගනිස්තාන ස්වාධීන මානව හිමිකම් කොමිසම පවසයි.
මේ වනවිට තම කාර්යාලය තලේබාන්වරුන්ගේ ග්රහණයට ගෙන ඇති බවත් එම ගොඩනැගිල්ල, වාහන ඇතුළු එහි සම්පත් තලේබාන්වරුන්ගේ ඕනෑ එපාකම් සදහා භාවිතා කරමින් ඇති බවත් ඇෆ්ගනිස්තාන මානව හිමිකම් කොමිසම ප්රකාශ කර තිබේ.
එම කොමිසම සදහන් කරන්නේ තලේබාන්වරුන් මානව හිමිකම් පිළිබද කිසිදු තැකීමක් නොකරමින්, මානව හිමිකම් ආරක්ෂකයන්ට ප්රහාර එල්ල කරමින් මර්දනකාරී ලෙස කටයුතු කරන බවයි.
තලේබාන් පාලනය ඇෆ්ගනිස්තානයේ ස්වාධීන මානව හිමිකම් කොමිසමේ බලතලවලට ගරු කරනු ඇති බව විශ්වාස කළ නොහැකි යැයිද කොමිසමේ බලධාරීන් සදහන් කර ඇත.