ලෝක කුසලාන ක්‍රිකට් තරගාවලිය අතරතුර සිදුවූ සුවිශේෂී සිදුවීමක් වෙත බොහෝ දෙනාගේ අවධානය යොමුව තිබෙනවා.
තරගය අතරවාරයේදී පලස්තීනයේ නිදහස වෙනුවෙන් පෙනී සිටින පුද්ගලයෙක් එක්වරම ක්‍රීඩාංගණය වෙත දිව ආ අතර එහිදී තරගයට සුළු බාධාවක්ද එල්ල වුණා.
තරගයේ 13වන පන්දුවාරය යොමුකරමින් සිටියදී මෙම පුද්ගලයා එක්වරම ක්‍රීඩාංගණයට කඩාවැදී ඉන්දීය සුපිරි පිතිකරු කෝලි ආසන්නයටම දිවයාමට සමත්ව තිබුණා.
පලස්තීනයට බෝම්බ හෙළීම නවතනු, යනුවෙන් සටහන් කරන ලද කමිසයක් හැඳ සිටි මෙම පුද්ගලයා විරාත් කෝලි ආසන්නයට පැමිණ ඔහු වැළඳගන්නා ආකාරය දැක්වෙන ඡායාරූපද මේ වන විට නිකුත්ව තිබෙනවා.
කෙසේ වෙතත් වහාම ක්‍රියාත්මක වූ ආරක්ෂක අංශ කඩිනමින් ක්‍රියාත්මකව එම පුද්ගලයා ක්‍රීඩාංගණයෙන් ඉවත් කිරීමට පියවර ගෙන තිබුණා.
