ශ්‍රී ලංකාව සහ මාලදිවයින අතර ඒකාබද්ධ සංචාරක කලාපයක් ඇති කිරිම සඳහා සමීප සහයෝගීතාවයකින් කටයුතු කිරීමට සාකච්ඡා කළ බව ජනාධිපති රනිල් වික්‍රමසිංහ මහතා පවසනවා.
කොළඹ ෂැංග්‍රිලා හෝටලයේ පැවති YPO Colombo Experience: Rediscover the Pearl සම්මන්ත්‍රණයට එක් වෙමින් ජනාධිපතිවරයා මේ බව ප්‍රකාශ කළා.
ජනාධිපතිවරයා තවදුරටත් සඳහන් කළේ මාලදිවයිනේ නව ජනාධිපති ආචාර්ය මොහොමඩ් මුයිසු මහතා සමඟ පැවැත්වුණු ද්විපාර්ශ්වික සාකච්ඡාවලදී මේ සඳහා අවධානය යොමු කළ බවයි.
ශ්‍රී ලංකාව කලාපීය භාණ්ඩ හුවමාරු මධ්‍යස්ථානයක් බවට පත්කිරීමේ වැදගත්කම මෙහිදී අවධාරණය කළ ජනාධිපතිවරයා, ඉහළ ආදායම් ලබන සංචාරක ව්‍යාපාරය ප්‍රවර්ධනය කිරීම, කෘෂිකර්මාන්තය නවීකරණය කිරීම සහ ඉඩම් හිමිකාරිත්වය පිළිබඳ වන ප්‍රතිසංස්කරණමය වැඩපිළිවෙළ පිළිබඳවද මෙහිදී අදහස් පළ කර තිබෙනවා.
