ඕස්ට්‍රේලියාවේ වික්ටෝරියා ප්‍රාන්තය සහ චීනයේ ජාතික සංවර්ධන සහ ප්‍රතිසංස්කරණ කොමිසම අතර ඇති කරගෙන තිබූ ගිවිසුම් දෙකක් අහෝසි කීරීමට ඕස්ට්‍රේලියානු මධ්‍යම රජය පියවර ගෙන තිබේ.
අගමැති ස්කොට් මොරිසන් සදහන් කළේ අදාළ ගිවිසුම ඕස්ට්‍රේලියාවේ ජාතික අවශ්‍යතායන්ට පටහැනි බැවින් මෙම තීරණය ගත් බවයි.
ප්‍රාන්ත රජයක් විදේශ රටක් සමග ඇති කරගත් ගිවිසුමක් අහෝසි කිරීමට ඕස්ට්‍රේලියානු මධ්‍යම රජය පියවර ගත් ප්‍රථම අවස්ථාව මෙය බවද සදහන් වේ.
චීනයේ එක් තීරයක් – එක් මාවතක් වැඩසටහන යටතේ මෙම ගිවිසුම් අත්සන් කර තිබුණේ 2018 සහ 2019 වර්ෂවලදීයි.
ඕස්ට්‍රේලියාවේ මෙම තීරණය චීනයේ කෝපයට හේතූවී ඇති අතර එය අසාධාරණ සහ කුපිත කරවන සුලු ක්‍රියාවක් බවට ඕස්ට්‍රේලියාවේ චීන තානාපති කාර්යාලය ප්‍රකාශ කර තිබේ.
