ඇෆ්ගනිස්ථානයේ ඒක පුද්ගල ආදායම තුනෙන් එකකින් පමණ පහත වැටී ඇති බව ලෝක බැංකුව පවසයි.
වත්මන් දේශපාලන අර්බුදය විසින් 2007 වසරේ සිට එරට අත්කර ගත් ආර්ථික ප්‍රගතිය බිද දමමින් 2021 අවසාන මාස කිහිපය වන විට රට බරපතල දරිද්‍රතාවයකට ගෙන ගොස් ඇති බවද ලෝක බැංකුව අනාවරණය කරයි.
මානුෂීය අවශ්‍යතා සහ මූලික සේවාවන්ට සහය දැක්වීමට පමණක් එරටට ලැබෙන ජාත්‍යන්තර ආධාර සීමා වී ඇති අතර වර්තමාන තත්ත්වයන් යටතේ ඇෆ්ගනිස්ථානයේ ආර්ථිකය පිළිබඳ ඉදිරි දැක්ම භයානක බව ද ලෝක බැංකුව පෙන්වා දෙයි.
කෙ‍සේවෙතත්, ඇෆ්ගනිස්ථාන ආර්ථික අමාත්‍යාංශයේ නිලධාරීන් සදහන් කරන්නේ තත්ත්වය වැඩිදියුණු කිරීම සඳහා අමාත්‍යාංශයට ආර්ථික සැලසුම් ඇති බවයි.
මේ තත්ත්වය දිගටම පැවතුණහොත් ඇෆ්ගනිස්තානය විශාල ආර්ථික ඛේදවාචකයකට මුහුණ දෙනු ඇතැයි යන්න ස්වාධීන ආර්ථික විශේෂඥයන්ගේ විශ්වාසයයි.
