චීනයේ ෂින්ජියැන්ග් කලාපයෙන් නිෂ්පාදන ආනයනය කිරීම තහනම් කිරීම සඳහා එක්සත් ජනපද සෙනෙට් සභාව අද (15) නීති සම්මත කරගෙන තිබෙනවා.
මෙම භාණ්ඩ තහනම සිදු කර ඇත්තේ උයිගර් වැසියන්ට සහ අනෙකුත් මුස්ලිම් කණ්ඩායම්වලට එරෙහිව චීනය සිදුකරනු ලබන අඛණ්ඩ ජන සංහාරය පිළිබඳ එක්සත් ජනපදය විසින් බීජිං වෙත කෙරෙන විරෝධතාවක් වශයෙන්.
සෙනෙට් සභාව විසින් මෙසේ සම්මත කර ගනු ලැබුවේ උයිගර් බලහත්කාර කම්කරු වැළැක්වීමේ පනතයි.
එමඟින් සින්ජියැන් හි නිෂ්පාදිත භාණ්ඩ බලහත්කාර ශ්රමයෙන් සාදන ලදැයි උපකල්පනය කරමින් තහනම් කිරීමට හැකියාව ලැබෙනවා.
බලහත්කාරයෙන් වැඩ කිරීම පිළිබඳ සාධාරණ සාක්ෂි තිබේ නම් වර්තමාන රීතිය යටතේ භාණ්ඩ තහනම් කිරීමට හැකියි.
මෙම පනත ජනාධිපති ජෝ බයිඩන් විසින් අත්සන් කිරීම සඳහා ධවල මන්දිරයට යැවීමට පෙර නියෝජිත මන්ත්රී මණ්ඩලය ද සම්මත කළ යුතු බව පැවසෙනවා.
ඒ සඳහා නිශ්චිත දිනයක් තවම තීරණය වී නොමැති බවයි සඳහන් වන්නේ.