බෙයිජිං නුවරදී 2022 වර්ෂයේ පැවැත්වීමට නියමිත සීත සෘතු ඔලිම්පික් උළෙල සම්බන්ධයෙන් චීනය සහ ඇමරිකාව අතර යළි මත ගැටුමක් හටගෙන තිබේ.
ඒ මෙම උළෙල වර්ජනය කළ යුතු ඇමරිකානු නියෝජිත මන්ත්රී මණ්ඩලයේ කතානායක නැන්සි පොලොසි කළ ප්රකාශයක් සමගයි.
චීනය දිගින් දිගටම ෂින්ජියෑන්ග් ප්රාන්තයේ උයිගුර් සුලුතරයට එරෙහිව සිදුකරන මානව හිමිකම් උල්ලංඝනය කිරීම්වලට විරෝධය පළකිරීමක් ලෙස රාජ්ය මට්ටමෙන් මෙම උළෙල වර්ජනය කළ යුතු බව ඇය සදහන් කර තිබිණ.
මීට ප්රතිචාර දක්වමින් චීන විදේශ කටයුතු අමාත්යාංශයේ ප්රකාශක ශා ලීජියෑන් සදහන් කර ඇත්තේ එක් එක් පුද්ගලයන්ගේ වැරදි කරණු මත පදනම්ව විව්ධ ප්රකාශ කරන බවයි.
නැන්සි පොලොසිගේ මෙම ප්රකාශය ඇමරිකාවේ නිල ප්රකාශයක් නොවුනත් 2022 සීත සෘතු ඔලිම්පික් උලෙල බෙයිජිංහි පැවැත්වීමට එරෙහිව මේ වනවිට බටහිර රටවල් රැසක් විරෝධතා ප්රකාශ කර තිබේ.
මේ අතර අන්තර්ජාතික මානව හිමිකම් සංවිධාන රැසක් මෙහි අනුග්රාහකත්වයෙන් ඉවත් වන ලෙසට බහුජාතික සමාගම් රැසකට බලපෑම් සිදුකර ඇතැයිද සදහන් වේ.