මියන්මාරයේ මිලිටරි පාලනය විසින් පසුගියදා එරට හිටපු නීති සම්පාදකයෙකු සහ ප්‍රමුඛ අයිතිවාසිකම් ක්‍රියාකාරිකයෙකු ඇතුළු සිරකරුවන් හතර දෙනෙකු මරා දැමීමෙන් පසු එහි මිලිටරි ආණ්ඩුවට එරෙහි පීඩනය වැඩි කරන ලෙස එක්සත් ජනපද රාජ්‍ය දෙපාර්තමේන්තුව චීනයෙන් ඉල්ලීමක් කර තිබේ.
රාජ්‍ය දෙපාර්තමේන්තු ප්‍රකාශක නෙඩ් ප්‍රයිස් පැවසුවේ චීනයට වෙනත් ඕනෑම රටකට වඩා මියන්මාරයට බලපෑම් කළ හැකි බවයි.
කෙසේවෙතත්, චීනය දිගින් දිගටම අවධාරණය කර සිටින්නේ වෙනත් රටවල අභ්‍යන්තර කටයුතුවලට මැදිහත් නොවන බවයි.
මියන්මාර හමුදා රජය පසුගියදා ප්‍රකාශ කළේ, 1976 න් පසු රටෙහි පළමු නිල මරණ දඬුවම ක්‍රියාත්මක කිරීමේදී නෙරපා හරින ලද නායිකා අවුන්සාන් සුකීගේ දේශපාලන පක්ෂයේ හිටපු සාමාජිකයෙකු ඇතුළු සිරකරුවන් හතර දෙනෙකු මරා දැමූ බවයි.
හමුදා ආණ්ඩුවේ ප්‍රකාශක ෂා මින් මෙහිදී සදහන් කළේ මෙම සිව්දෙනාගේ දඬුවම අනෙකුත් මරණ දණ්ඩන නඩු සමඟ සංසන්දනය කළහොත්, ඔවුන් බොහෝ වාරයක් මරණීය දණ්ඩනය ලබා දිය යුතු අපරාධ කර ඇති බවයි.
