ආසියා පැසිෆික් කලාපයේ ආරක්ෂාව කෙරෙහි අවධානය යොමු කරමින් කොවිඩ් -19 වසංගතය හේතුවෙන් වසර දෙකක පමණ කාලයක් අත්හිටුවීමෙන් පසු 19 වැනි ෂැංග්‍රි-ලා සංවාදය සිංගප්පූරුවේදී පසුගියදා අවසන් කෙරිණ.
සමුළුව අතරතුර, රටවල් හෝ කලාප 40 කට වැඩි ගණනක නියෝජිතයින් කලාපීය සහ ගෝලීය ආරක්ෂක ගැටළු පිළිබඳව අදහස් හුවමාරු කරගෙන තිබේ.
මෙහිදී චීන ආරක්ෂක අමාත්‍ය වෙයි ෆෙන්ග් සහ එක්සත් ජනපද ආරක්ෂක ලේකම් ලොයිඩ් ඔස්ටින් ඔවුන්ගේ පළමු මුහුණට මුහුණ හමුව පවත්වා ඇති අතර එහිදී තායිවානයේ ප්‍රශ්නය සම්බන්ධයෙන් සාකච්ඡා කර ඇති බව පැවසේ.
එක්සත් ජනපද ආරක්ෂක ලේකම් එහිදී කියා සිටියේ චීනය තායිවානයේ පවතින තත්ත්වය වෙනස් කිරීමට උත්සාහ කරන බවයි.
මෙහිදී චීනය තායිවානයට ඇමරිකාව සිදු කරන අවි අලෙවිය හෙළා දකින බව සදහන් කර තිබේ.
ආරක්ෂක ලේකම් ඔස්ටින් චීනය ආරක්ෂක දෙපාර්තමේන්තුවට අභියෝගයක් ලෙස විස්තර කර ඇති අතර ඉන්දු පැසිෆික් කලාපය එක්සත් ජනපදයේ ප්‍රමුඛතාවය බව පැවසීය.
මේ අතර , එක්සත් ජනපද කොන්ග්‍රස් නියෝජිත පිරිසක් තායිවානයට ගොස් ඇති අතර ඇමරිකාව සහ චීනය අතර එය දැනටමත් පවතින නොසන්සුන් වූ සම්බන්ධතාවය තවදුරටත් උනුසුම් කිරීමට ද සමත් වී තිබේ.
