පෝට් සිටිය හරහා මුදල් විශුද්ධිකරණය සහ නීති විරෝධී ලෙස මුදල් යෙදවීම් සිදුවිය හැකි බව මෙරට ඇමරිකානු තානාපතිනිය වන ඇලයිනා බී. ටෙප්ලිට්ස් මහත්මිය පවසනවා.
ඒ, ත්‍රිකුණාමලයේ උපායමාර්ගික අධ්‍යයන මධ්‍යස්ථානයේ ජාති ජිතේන්ද්‍ර සමඟ පෙරේදා (05) දින සාකච්ඡාවකට සහභාගී වෙමින්.
මෙරට ආර්ථිකය නගා සිටුවීමේ ‘ගැළවුම්කරුවෙකු’ වශයෙන් මෙරට රජය විසින් කොළඹ වරාය නගරය සලකන අතරතුරේදී ඇමරිකානු තානාපතිනිය විසින් වරාය නගරය සම්බන්ධව ආතුරු ඇඟවීම් මෙන්ම ප්‍රභල විවේචන සිදුකිරීම සම්බන්ධව
මෙරට පාර්ලිමේන්තුවේදී සම්මත වූ පෝට් සිටි පනතේ ඇතැම් කරුණු පිළිබඳව එක්සත් ජනපදය දිගින් දිගටම අවධානයෙන් පසුවන බවයි ඇය පවසන්නේ.
පෝට් සිටිය හරහා සිදුවිය හැකි මූල්‍ය අක්‍රමිකතා සම්බන්ධව එක්සත් ජනපද සමාගම් ඒ ගැන සැලකිලිමත් විය යුතු බවත් ඇය පවසා සිටිනවා.
“පෝට් සිටි ව්‍යාපෘතියේ දැනටමත් කර ඇති ආයෝඡනයෙන් ප්‍රයෝජන ගැනීමට ශ්‍රී ලංකාවේ රජයට අවශ්‍ය බව අපි පිළිගන්නා අතර එය අපට තේරුම් ගත හැකියි. අපගේ සරල අවවාදය නම්, මෙතරම් විශාල යටිතල පහසුකම් / සංවර්ධන ව්‍යාපෘතියක් සඳහා, නීති හා රෙගුලාසි නිවැරදිව ලබා ගැනීම අතිශයින් වැදගත් වන අතර – නීති විරෝධී ක්‍රියාකාරකම් සහ අසාධාරණ තරඟ සඳහා දොර විවෘත නොවන බවට සහතික වීමත් ඉතා වැදගත් බවයි. සාමාන්‍ය මූලධර්මයක් ලෙස අයහපත් (කළු) මුදල්, නිදසුනක් වශයෙන්, මුදල් විශුද්ධිකරණයට ඉඩ දිය හැකි හිඩැස් වසා දැමීමට නීතියෙන් නොහැකි නම්, ඒ හරහා අයහපත් (සුදු) මුදල් ඉවතට තල්ලු කරයි.” යැයි ඇය පවසනවා.
