ජාත්යන්තර ආර්ථික විද්යාව සඳහා එක්සත් ජනපද නියෝජ්ය ජාතික ආරක්ෂක උපදේශක දලීප් සිං සිය ඉන්දියාවේ සංචාරයක නිරතව තිබේ.
එහිදී ඔහු වත්මන් යුක්රේන අර්බුදය පිළිබදවත් ආරක්ෂක අභියෝග පිළිබදවත් ඉන්දියානු ජාතික ආරක්ෂක උපදේශකවරුන් සාර්ථක සාකච්ඡා වටයක් පැවැත් වූ බව ධවල මන්දිර සන්නිවේදන අධ්යක්ෂ කේට් බෙඩිංෆීල්ඩ් පවසයි.
සිං සිය ඉන්දීය සංචාරයේදී මධ්යම වාණිජ හා කර්මාන්ත, පාරිභෝගික කටයුතු පිළිබඳ අමාත්ය පියුෂ් ගෝයල් හමුවී ඉන්දීය-එක්සත් ජනපද ආර්ථික හා උපායමාර්ගික සබඳතා තවදුරටත් ගැඹුරු කිරීමේ පියවර ගැන ද සාකච්ඡා කර ඇතැයි සඳහන් වේ.
මේ අතර, ඉන්දියානු සහ එක්සත් ජනපද අමාත්යවරුන් අතර හමුවක් අප්රේල් 11 වන දින වොෂින්ටනයේදී පැවැත්වීමට නියමිතව තිබේ.
ඉන්දීය විදේශ කටයුතු අමාත්ය එස් ජයශංකර්, ආරක්ෂක අමාත්ය රාජ්නාත් සිං සහ ඇමරිකානු රාජ්ය ලේකම් ඇන්ටනි බ්ලින්කන් සහ ආරක්ෂක ලේකම් ලොයිඩ් ඔස්ටින් අතර එහිදී සාකච්ඡා පැවැත්වීමට නියමිත බව පැවසේ.