ඇෆ්ගනිස්තානයේ කාබුල් අගනුවර ගුවන් තොටුපල ආසන්නයේත්, හෝටලයක් ආශ්රිතවත් එල්ල වූ ප්රහාරවල මහ මොලකරු මරා දැමූ බව ඇමරිකානු හමුදාව සදහන් කරයි.
පසුගිය බ්රහස්පතින්දා කාබුල් හි සිදුවූ ප්රහාරවලින් ඇමරිකානු හමුදා සාමාජිකයන් 13 දෙනෙකු සහ ඇෆ්ගනිස්තාන වැසියන් 100 ක් පමණ මිය ගියහ.
මෙම ප්රහාරයේ වගකීම භාර ගත්තේ IS සංවිධානයේ ඇෆ්ගනිස්තාන ශාඛාව ලෙස සැලකෙන ISKP සංවිධානය විසිනි.
ඊට දිනකට පසුව නියමුවන් රහිත ප්රහාරක යානා යොදා ගනිමින් එල්ල කළ ප්රහාරයක් මගින් ඇෆ්ගනිස්තානයේ නන්දගාර් පළාතේ දී කාබුල් ප්රහාරයට සම්බන්ධ මහ මොලකරු ඝාතනය කළ බව ඇමරිකානු හමුදාව සදහන් කරයි.
ඇමරිකානු නාවික බලකායේ කපිතාන් බිල් අර්බන් සදහන් කර ඇත්තේ විශේෂිත මෙහෙයුමක් හරහා අදාළ ත්රස්තවාදීන් විනාශ කිරීමට තමන්ට හැකිවූ බවයි.