තායිවානයට ලෝක සෞඛ්ය සංවිධානයේ (WHO) නිරීක්ෂක තත්ත්වය ලබාගැනීමට උදව් කිරීම සඳහා සැලැස්මක් ඉදිරිපත් කරන ලෙස එක්සත් ජනපද රාජ්ය දෙපාර්තමේන්තුවෙන් ඉල්ලා එක්සත් ජනපද නියෝජිත මන්ත්රී මණ්ඩලය නීති සම්පාදනය කර තිබේ.
චීනයේ පීඩනයට මුහුණ දෙන බැවින් තායිවානය නඟා සිටුවීමට මෙම නීති සම්පාදනය මගින් උත්සාහ කර ඇතැයි එරට වාර්තා කියයි.
පසුගිය අගෝස්තු මාසයේදී සෙනෙට් සභාවේදී සම්මත වූ මෙම පනත, පසුගිය බදාදා කොංග්රස් මණ්ඩලයේ දී 425 ට 0 ක් ලෙස සම්මත විය.
පනත් කෙටුම්පත නීතියක් බවට පත් කිරීම සදහා වන අත්සන යෙදීමට මේ වන විට එය ඇමරිකානු ජනාධිපති ජෝ බයිඩන් වෙත යවා තිබේ.
මේ අතර චීන විශේෂඥයින් පැවසූයේ තායිවානයට ලෝක සෞඛ්ය සමුළුවේ නිරීක්ෂක තත්ත්වය යළි ලබා ගැනීමට උපකාර කිරීමේ නවතම එක්සත් ජනපද ප්රයත්නය, බෙදුම්වාදීන් විසින් පසුගිය වසර පහ තුළ සිදු කර බොහෝ දේශපාලන ප්රයෝග කිසිදු අර්ථවත් ප්රතිඵලයක් ලබා ගැනීමට අපොහොසත් වූ ආකාරයටම නිෂ්ඵල වනු ඇති බවයි.
තායිවානයේ ජනාධිපති ලෙස ටසායි ඉන් -වෙන් තේරී පත් වූ පසු චීන රජය WHO රැස්වීම්වලදී තායිවානයේ නියෝජනය අවහිර කරමින් සිටී.
2009 සිට 2016 දක්වා තායිවානයේ නියෝජිතයින් ලෝක සෞඛ්ය සංවිධානය වෙත සම්බන්ධවන්නේ ඡන්සය නොදෙන නිරීක්ෂකයන් ලෙසිනි.