තමන් නව එක්සත් ජනපද පරිපාලනය සමග කටයුතු කිරීමට බලාපොරොත්තු වන බවත්, පැරිස් සම්මුතියට නැවත ඇතුළත් වීම සාදරයෙන් පිළිගන්නා බවත් එක්සත් ජාතීන්ගේ ප්රධානියා පවසයි.
එක්සත් ජනපද මහලේකම් ඇන්තෝනියෝ ගුටරෙස් නව ඇමෙරිකානු ජනාධිපති ජෝ බයිඩන් සහ ඔහුගේ කණ්ඩායම සමග වැඩ කිරීමට අපේක්ෂා කරන බව පවසා සිටියේ, බයිඩන් 46 වැනි ඇමෙරිකානු ජනපතිවරයා ලෙස දිවුරුම්දීමෙන් අනතුරුව විධායක නියෝග මාලාවකට අත්සන් තැබීමත් සමඟයි.
කොවිඩ්-19 වසංගතයට ප්රතිචාර ලෙස මුඛ ආවරණ පැළඳීම, දේශගුණික විපර්යාස පිළිබඳ 2015 පැරිස් සම්මුතියට නැවත ඇතුළු වීමද ඒ අතර විය.
“දේශගුණික විපර්යාස පිළිබඳ පැරිස් සම්මුතියට නැවත ඇතුල්වීමට සහ දේශගුණික අර්බුදයට මුහුණ දීම සඳහා අභිලාෂකාමී ක්රියාමාර්ග ගන්නා සන්ධානයට එක්වීමට ජනාධිපති ජෝ බයිඩන් ගත් පියවර මා සාදරයෙන් පිළිගන්නවා” යැයි මහලේකම්වරයා පවසයි.
ට්රම්ප් පරිපාලනය යටතේ එක්සත් ජාතීන්ගේ සංවිධානය, ලෝක සෞඛ්ය සංවිධානය ඇතුළු බොහෝ ජාත්යන්තර සංවිධාන සමඟ ඇමෙරිකාවේ සබඳතා දැඩි පළුදු වීමකට ලක්ව තිබුණි.