ඉන්දියාව ඇමරිකාවේ ප්‍රධාන ගෝලීය උපායමාර්ගික හවුල්කරුවෙකු බව එක්සත් ජනපදය බ්‍රහස්පතින්දා යළි අවධාරණය කළේය.
“ඉන්දියාව පිළිබඳ අපගේ පණිවිඩය ස්ථාවර ය. ඉන්දියාව එක්සත් ජනපදයේ ගෝලීය උපායමාර්ගික හවුල්කරුවෙකි” එක්සත් ජනපද රාජ්‍ය දෙපාර්තමේන්තු මාධ්‍ය හමුවකදී එහි ප්‍රකාශක නෙඩ් ප්‍රයිස් පැවසුවේ රාජ්‍ය ලේකම් ඇන්ටනි බ්ලින්කන්ගේ ඉන්දීය සංචාරය සම්බන්ධයෙන් යොමු වූ ප්‍රශ්නයකට පිළිතුරු ලෙසිනි.
G20 විදේශ අමාත්‍යවරුන්ගේ රැස්වීමට සහ රයිසිනා සංවාදයට සහභාගී වීමට එක්සත් ජනපද රාජ්‍ය ලේකම් බ්ලින්කන් පසුගියදා ඉන්දියාවට පැමිණ සිටියේය.
“අපගේ ඉන්දියානු හවුල්කරුවන් සමඟ අමාත්‍ය මට්ටමින්, නායක මට්ටමින්, සෑම තරාතිරමකම අපි ඇතිකරගෙන ඇති බැඳීම්, අප දෙරට අතර දැනටමත් පුළුල් සබඳතාවයන් ගැඹුරු කිරීම සඳහා වූවක්” යැයි එක්සත් ජනපද රාජ්‍ය දෙපාර්තමේන්තු ප්‍රකාශක පැවසීය.
ඔහු පැවසුවේ ඉන්දියාව සමඟ ගෝලීය මූලෝපායික හවුල්කාරිත්වය පුලුල් කිරීමට එක්සත් ජනපදයට අවශ්‍ය බවයි.
